khidki se baahar takti nigaahein..
baarish ki boondon ko chooti hawaayein..
fir wahi mehak aas paas kuch yun mandraaye..
tere aane ka sandesaa chupke se kano me keh jaye
yun barasti hai chaahat in boondon mein kaid
yun taraste hain sapne karne manzil ki sair
in titliyon ko dekho har patte pe hain jhoomti
kehti hain ye is chaahat ko mehsoos hun karti
is bheege hue pal mein nam aankhein hain kehti
dhundle se dikhte khwaab par teri chaahat hai mehakti
is chatri ke neeche kyun akeli hun chalti
in boondon se naa jaane kyun humesha main darti
kitne fasaane dhuno mein piroye the maine
shabdon mein jaane magar kyun na sanjoye
gum ho gaya tha sangeet kahin bas yun mujhse
ki aj in boondon ne fir se sikhaya hai chehekne
No comments:
Post a Comment