Aakhirii Khat....

Zarra Zarra le mujhse teri khabar,
poochte hain kab lautoge is dagar...
aakhiri chitti wahii fir padh deti hun teri,
"Aakhiri salaam" tera, muskuraakar "Phir milenge", main kehti...

Muskuraakar wo tees chupa to main leti
Fir akele mein tere naam ki khudko chitthi hun likhti
'Besharam ashk' saath chod gir jaate hain khat par
Teri yaadon ke sparsh mein ghul jaatein hain mit kar

Naadaan, anjaan hain ki tu nahi chalaawa hai
mil rahe hain jisme,ashiyana nahi, janaaza hai
yeh akhiri khat tera, mere liye tera akhiri nishaan
dil mein thi ek tasveer, toot gayi kaanch ke sheeshe ki tarah

Teri mehak hai bandhi hui is khat se
Teri aawaaz hai dabi hui har shabd mein
tera haath samajh pakde rehti hun isko
kalma samajh padhti rehti hun isko

Teri chavi ko chaand mein takti hun ghanton
jaise khidki pe khada tu dekh raha ho mujhko
fir tabhi mera mann tujhe udke choone ko chaahe
par tabhi tera khat mere khwabon pe bandish laga jaye

Tere khwabon ki main thi hi nahi manzil
Tere geeton ki main thi hi nahi sargam
Na jane kyun maine ye duniya basa li thi
Darwaze pe main khadi,bas tere ane ki bari thi
Tu nahi tera khat tha aya
"Phir milenge" nahi, maine "akhiri salaam" likha paaya

Mera aks teri hi parchayi,
Khadi hun darwaze par, kahin to teri aahat ayi
poochte hain log kab lautoge tum is dagar
Akhiri chitti teri padh deti hun kuch is kadar
"Phir milenge hum", is nahi to agle janam....

Kashmakash........

zindagi lagti hai yun khafa,chaah kar bhi nahi ho pati main juda..
in khayalaton se jo jud rahein hai kuch is kadar...
kar rahein hai yeh katle-aam mera shaamo sehar...
ajeeb si kashm kash,fir rahi hai dar badar...
thaam loon inhe,jala doon inhe...
fir bhi chod jaayengi raakh, hain kuch is kadar besharam...

raahein nahi hai anjaani, par lagta hai darr...
nahi chaahti woh shaam fir laute..leke kaali abra..
khuda ke waaste mat karna darwaaze band..
kahin bikhar na jaye is baar..woh sapno ka mehal..
na juta paoongi fir himmat..na la paoongi fir nayi sehar..
jud rahee hai yeh aawaaz mujhse yunhi is kadar...

suraj jo ujala lata hai, woh jala bhi to deta hai..
mann jo himmat deta hai, woh dehla bhi to deta hai..
baat jo hansaa deti ho, ansoon chalka bhi to deti hai..
jeevan jo banaati hai, wahi mita bhi to deti hai..
sthaayi jab nahi hai kuch,tu kyun hai yeh kashmkash...

kaash! dekh kar aa pati main kuch pal aage..
par kyun uljha rahin hoon main apne jeevan ke dhaage..
pirona hai maalein mein ek ek moti chunke...
yeh moti jo baithe the kabhi seepi mein chupke..
aane do un lehron ko, chodenege inhe yahi to kinare...
in palon mein jo bhi ho,nahi hai kuch bhi zindagi ke aage..

(3-aug-2007)

Atkheliyaan....

Gori jo aawat hai, man chalkat jaawat hai,
gori ki hansi, maano ho swarg ki pari,
saiyaan se apne woh nazrein churaawat hai,
par saiyaaan ko chup se woh dekhan jo laagat hai...

chan-chan chun-chun payal chankaati woh,
man mein mayoor khul khul kar jo naachat hai,
laton ko apne woh surkh gaalon par laawat hai,
saiyaan ke man ko woh bhaanti lalchaawat hai...

tuk-tuk apni nazrein gadaaye pade hain,
saiyaan ab apni palkein bichaayein khade hain,
balkhaati ithlaati gori ab nazdeek jo aawat hai,
dono ki dhadkan badhti hi jaawat hai...

saiyaan gori ko jabran jo pakdat hai,
naazuk kalaayi " haay!! " uski marodat hai,
gori sharmaayi, woh bhi muskuraawat hai,
ghoonghat jo uska mukh ko chupaawat hai...

saiyaan ki baahein ab uska sahaara hai,
gori ka sharmaana saiyaan ko bhaata hai,
baaki khade chore mann jo jalaawat hain,
amma-dadi balaayi lene jo laagat hai...

naache murli ki dhun hoke baanwariya,
gori ko aaj na roko saanwariyaa,
krishna raadha saani jodi yeh laagat hai,
bhagwan inko ik dori mein baandhan hai...

Bas choona hai aasmaan...

Chal pada hoon is path par akela,
bas dikhti hai manzil, kya raat kya savera,
hogi na raah aasaan, par chalte chale jaana hai,
bas choona hai aasmaan, ooncha udte chale jaana hai....

rukoonga nahi,thakoonga nahi,
chaloonga wahi jahaan manzil paana hai...

Ab chaahe koi aae raah mein,ab chaahe koi pathar ho mod pe,
hata doonga, mita doonga har woh deewaar,
khadi hogi jo mere manzil ke is paar....

Ab aae jisko aana hai, jaae jisko bhi jaana hai,
dikhta mujhe sirf ek hi nishaana hai,
bas choona hai aasmaan, ooncha udte chale jaana hai,
hogi na raah aasaan, par aage chalte chale jaana hai....

Lagaa doonga par main, ab apni is udaan mein,
nahi thamoonga ab , chaahe jo bhi ho saamne,
reh reh kar uthta hai lava kuch kar dikhane ka,
hogi ye meri hi zameen, mera hi aasman

yeh khwaab sanjoye ab mujhe aage badhte hi jaana hai,
bas choona hai aasmaan, ooncha udte hi jaana hai,
hogi na raah aasaan, par aage chalte hi jaana hai...

Pehchaanegi ye duni mujhe mere naam se,
denge sab salaami mujhe badi shaan se,
himmat badi hai dikha doonga main,
dar ki jagah nahi sikha doonga main...

Kehta hain abhi yeh log "dekho kya matwala hai,
chala ja raha hai madmast, iska na koi thikana hai"
nahi hai parwa mujhe, kehne do jo bhi inko kehna hai,
Mujhe to choona hai aasmaan, ooncha udte chale jaana hai...
hogi na raah aasaan, par mujhe to manzil ko paana hai...

Tum Bin..

This is more of lyrics than a poem...very much inspired by the title track of movie Tum bin..so have used the main lines of that song in this attempt of mine..i wrote these lyrics while listening to this song n just went on giving it my own words...

tum bin jiya jaaye kaise...kaise jiya jaaye tum bin...
sadiyon se lambi hain raatein..sadiyon se lambe hue din...
aa jaao laut ke tum...yeh dil keh raha hai

suraj ki dhalti yeh kirne...mujh se jaati yeh khushiyaan
gam ke yeh saagar hain badhte...is raat ka nahi hai ab savera..
aa jaao laut ke tum...yeh dil keh raha hai

chalte hamesha sahaare..phir kyun na milte kinaare..
chandaa ke saath hain taare...phir bhi akele rehte yeh saare...
hain bas teri hi yeh yaadein...saansein hain jnke sahaare

nahi laata ab savera..apne saath ujaalaa..
gam ki hi raatein hain chaayii..yeh chaand hai mujhsa akela..
aa jao laut ke tum...yeh dil keh raha hai..

reton ke ghar jaise sapne...rehte kahaan hai wo apne..
saagar ki lehren bahaa de...aasha ke mehal humaare...
reh gayi teri bas yeh yaadein...jeete hain jinke sahaare

bhooloon bhi kaise tumhe main...ik pal ko na hote judaa ho
bas gaye ho yaadon mein mere...par fir bhi kyun hum akele...
aa jao saamne tum...yeh dil keh raha hai...

tum bin nahi leni saansein...jeena bhi kya hai yeh jeena
tera sparsh nahi mujhko choota...nahi hai tera swar ghulta
rag rag mein teri hi khushboo..phir kyun ho mujhse yun doooor...
aa jaao laut ke tum...yeh dil keh raha hai....