Chal pada hoon is path par akela,
bas dikhti hai manzil, kya raat kya savera,
hogi na raah aasaan, par chalte chale jaana hai,
bas choona hai aasmaan, ooncha udte chale jaana hai....
rukoonga nahi,thakoonga nahi,
chaloonga wahi jahaan manzil paana hai...
Ab chaahe koi aae raah mein,ab chaahe koi pathar ho mod pe,
hata doonga, mita doonga har woh deewaar,
khadi hogi jo mere manzil ke is paar....
Ab aae jisko aana hai, jaae jisko bhi jaana hai,
dikhta mujhe sirf ek hi nishaana hai,
bas choona hai aasmaan, ooncha udte chale jaana hai,
hogi na raah aasaan, par aage chalte chale jaana hai....
Lagaa doonga par main, ab apni is udaan mein,
nahi thamoonga ab , chaahe jo bhi ho saamne,
reh reh kar uthta hai lava kuch kar dikhane ka,
hogi ye meri hi zameen, mera hi aasman
yeh khwaab sanjoye ab mujhe aage badhte hi jaana hai,
bas choona hai aasmaan, ooncha udte hi jaana hai,
hogi na raah aasaan, par aage chalte hi jaana hai...
Pehchaanegi ye duni mujhe mere naam se,
denge sab salaami mujhe badi shaan se,
himmat badi hai dikha doonga main,
dar ki jagah nahi sikha doonga main...
Kehta hain abhi yeh log "dekho kya matwala hai,
chala ja raha hai madmast, iska na koi thikana hai"
nahi hai parwa mujhe, kehne do jo bhi inko kehna hai,
Mujhe to choona hai aasmaan, ooncha udte chale jaana hai...
hogi na raah aasaan, par mujhe to manzil ko paana hai...
Subscribe to:
Post Comments (Atom)
1 comment:
All I can say is "Hats off gal!" Awesome rhymes. You gotta let me read your other collections tooo! Seriously...took all of 'em as inspiration..even the "Atkheliyaan...." one [:D].
Keep it up..cause u have a little someone inside u. And that little someone..I tell u has got much more talent than u think!
Post a Comment